Gautam Gambhir Latest News : पूर्व दिल्लीतील भाजप खासदार गौतम गंभीरने आज एक समाज माध्यमावर पोस्ट टाकत खळबळ उडवून दिली. भारताचा माजी क्रिकेटपटू गंभीरने राजकारणापासून दूर राहण्याचा निर्णय घेतला आहे. गंभीर यांनी भारतीय जनता पक्षाचे अध्यक्ष जेपी नड्डा यांना यासंदर्भात याची माहिती दिली आहे.आगामी लोकसभा निवडणूक लढवणार नसल्याचे त्यांच्या पदावरून स्पष्ट झाले आहे. (Gautam Gambhir Will Not Contest Lok Sabha 2024)
पहिल्यांदाच निवडणुकीत नोंदवला विजय
क्रिकेटच्या मैदानावर आक्रमक वृत्तीसाठी प्रसिद्ध असलेल्या क्रिकेटर गौतम गंभीरने राजकारणातही दमदार पदार्पण केले. भव्य रोड शो केले. प्रचंड मोर्चे काढले. आणि 2019 च्या लोकसभा निवडणुकीत गंभीरने पूर्व दिल्लीच्या जागेवर मोठा विजय नोंदवला होता. त्याने 3 लाख 90 हजारांच्या मोठ्या फरकाने काँग्रेस नेते अरविंदर सिंग लवली यांचा पराभव केला होता. गंभीर पहिल्यांदाच निवडणुकीच्या रिंगणात उतरला आणि जिंकला.(Gambhir Won Loksabha Election In 2019 From BJP)
राजकीय तज्ज्ञांनाही थोडे आश्चर्य वाटले
2018 मध्ये गंभीरने आंतरराष्ट्रीय क्रिकेटला अलविदा केला होता. तेव्हापासून तो लष्कर, सैनिक आणि इतर सामाजिक विषयांवर ट्विटरच्या माध्यमातून मत व्यक्त करायचा. पण गंभीरच्या अचानक घेतलेल्या निर्णयामुळे राजकीय तज्ज्ञांनाही थोडे आश्चर्य वाटले आहे.आपल्या पोस्ट मध्ये गौतम गंभीरने लिहिले की, ‘मला जनतेची सेवा करण्याची संधी दिल्याबद्दल मी पंतप्रधान नरेंद्र मोदी आणि गृहमंत्री अमित शहा यांचे मनापासून आभार मानतो. जय हिंद!’
Fromer Indian Cricketer Gautam Gambhir resign As BJP Mp